سياسة الخصوصية

مين بيشوف إيه، وليه، ولأد إيه. مكتوبة على الا النظام بيعمله فعلاً.

1دورين مختلفين، وده مهم

في نوعين بيانات هنا، وبنتعامل معاهم بشكل مختلف.

بياناتك انت كصاحب مطعم — إحنا المسؤولين عنها: اسمك وإيميلك واشتراكك وسجل الا عملته في اللوحة.

بيانات زباينك — انت المسؤول عنها وإحنا بنعالجها نيابة عنك. انت الا بتقرر تجمع إيه وتبعت إيه، وإحنا بننفّذ.

اسم المطعم والعنوان الا اخترته، اسمك وإيميلك، والخطة والفواتير.

سجل تدقيق بالا اتعمل في اللوحة: مين غيّر إيه وإمتى. ده بيحميك انت لما تحتاج تعرف حصل إيه.

بيانات تقنية زي عنوان IP مُجزّأ عشان نمنع إساءة الاستخدام.

لو فعّلت نادي الزبائن، الزبون بيسيب رقمه أو إيميله بموافقته وبيقدر يسحبها في أي وقت.

الطلبات بتتسجّل باسم الزبون ورقمه وعنوان التوصيل لو طلب توصيل.

إحصائيات الزيارات بتتسجّل مُجمّعة، من غير تتبّع فردي عبر مواقع تانية.

كل موافقة بتتسجّل بوقتها ومصدرها. سحب الموافقة بيتسجّل بنفس الطريقة.

رسايل التسويق بتروح للا وافقوا بس. رسايل الخدمة زي تأكيد طلب مش تسويق.

سجل التدقيق والإحصائيات ليهم مدة احتفاظ بتختلف حسب خطتك، وبيتمسح الا فات مدته تلقائياً كل يوم.

بيانات الزبون بتفضل لحد ما تمسحها انت أو يطلب هو الحذف.

لو ألغيت اشتراكك، كل حاجة بتتمسح بعد 30 يوم.

بناخد نسخة يومية ونحتفظ بـ 7 أيام بس.

معناها إن حاجة اتمسحت النهاردة ممكن تفضل في نسخة لحد أسبوع، وبعدها بتروح. ده جزء من التعافي من الأعطال ومش أرشيف.

فريق JAD بيوصل لبيانات مطعمك لما يكون فيه سبب — دعم طلبته انت، أو تحقيق في عطل. والوصول ده بيتسجّل.

كل مطعم في داتابيز منفصلة تماماً عن غيره. مفيش مطعم بيشوف بيانات مطعم تاني.

بنستخدم مزوّدين لتشغيل الخدمة (استضافة وإرسال إيميل ورسايل). بيشوفوا الا يلزم لتوصيل الرسالة وبس.

تقدر تصدّر بياناتك وبيانات زباينك في أي وقت من لوحة التحكم.

زبونك يقدر يطلب نسخة من بياناته أو حذفها، وفيه شاشة في لوحتك بتتعامل مع الطلبات دي.

لو عايز تتواصل معانا في أي حاجة تخص خصوصيتك، الإيميل تحت.

بنستخدم كوكي جلسة عشان تفضل داخل على لوحتك، وكوكي بيفتكر لغتك.

مفيش كوكيز إعلانات ومفيش تتبّع عبر مواقع تانية.

لأي سؤال عن الصفحة دي أو عن حسابك: info@jadgroupltd.com

باقة الغربية 301000 ابن تيمية 1